fbpx

《張國榮離開二十年線上插畫展覽》 | Cuson Lo

Posted On: 2023-03-19
Category: Art · Leslie
Editor:

張國榮,成就了多少經典,也留下了一份獨一無二的情感。今次《張國榮離開二十年線上插畫展覽》當中,我們也邀來了另一位本地知名插畫家Cuson Lo,以其極具代表性的風格創作多幅「哥哥」的插畫,其中Cuson今次更一反傳統,拾棄以往擅長的「Q版」表達手法,改以更真實的比例呈現出「哥哥」俊俏瀟灑的一面。

今次揮筆的同時,Cuson也分享了一些個人感受,從創作者的角度分享一下對哥哥的印象:

今次畫多幅張國榮嘅畫對我嚟講係一項挑戰,同時壓力又好大。首先,每逢畫靚仔就已經加咗難度,我擅長畫啲特徵比較突出嘅人物,而哥哥又唔止係一般嘅靚仔,佢係有種不羈帶點高傲、少少邪氣又不失親切感,落筆可能只係爭少少哥哥嘅氣質就展現唔到出嚟,喺草稿方面要花多好多時間。其次就係我畫慣Q版類型,Q版表達手法較誇張,相對嚟講容易將人物嘅神髓呈現出嚟,對我嚟講亦較易掌握,今次因為要畫寫實風及真實比例,同以前畫法截然不同,難度又加多咗好多。仲有一樣就係,愈早期嘅張國榮愈難畫,因為上網搵相關ref,啲相都好raw好low-res,有時某啲位要靠自己想像補完。

大家不妨細心欣賞一下本系列,同時留意一下十幅作品的字句。

Cuson Lo

Cuson Lo,全名盧熾剛,本地知名漫畫家兼廣告插畫師。自小已是動漫迷,也對畫畫產生濃厚興趣,卻從沒想過成為漫畫家。擅長以Q版手法,突顯不同人物特徵、行為舉止,也更勇於透過筆觸創作諷刺時幣,在畫畫世界享受嘻笑怒罵。